ጋዜጠኛ ግሩም ተክለሃይማኖት ከእስር በነጻ ተለቀቀ

በሀሰተኛ ክስ ተከሶ ከትላንት ማለዳ ጀምሮ በየመን ሰንኣ እስር ላይ የነበረው ጋዜጠኛ ግሩም ተክለሃይማኖት ዛሬ በፖሊሶች ተጣርቶ የቀረበበት የፈጠራ ክስ ላይ በቂ ማስረጃ ባለመቅረቡ ማምሻውን በነጻ መለቀቁን ባለቤቱ የላከችልን መረጃ አመለከተ።

ገጣሚ ጸሀይ በየነ በላከችው በዚህ መረጃ በጋዜጠና ግሩም መታሰር ላዘኑ ፣ አብረዋቸው ለተጨነቁ ወገኖች ሁሉ፣በውጭ ላሉ የሙአ አጋሮቹ፣የግሩም የሶሳል ሚዲያው ቤሰተቦችና በዋትስ አፕ በአረብ አገር አለውን መፍትሄና ችግሮቹን ለሚወያዩ የቡድን አባላት ምስጋና አቅርባለች።

የኢትዮጵያ ነጻ ፕሬስ ጋዜጠና የሆነው ግሩም ተ/ሀይማኖት በአገር ቤት በሳተናው፣በአስካልና ምንሊክን ጨምሮ በተሌአዩ የነጻ ፕሬስ ጋዜጦች ላይ የሰራና በተደጋጋሚ የታሰረ፣በተደራራቢ ክስ የነበረበት ሲሆን በአስቸጋሪ ሁኔታ ከአገር ወጥቶ ወደ የመን ተሰዶ ከአስር ኣመት በላይ በየመንና በተለያዩ አረብ አገራት ያሉ ኢትዮጵያውያን ወገኖቹን ሁኔታ በመከታተል ሲጽፍ ቆ ሲሆን የሞት ጉዞ መጽሐፉም የወገኖቻችን አስከፊ ስደት ውጤትን በብዕሩ ከትቦ ለንባብ አብቅቷል።

የህብር ሬዲዮን ዘገባ ህብር ሬዲዮን ከድህረ ገጻችን በተጨማሪ በስልክ ለማዳመጥ 712 -432-8451 መደወል ብቻ በቂ ነው። በእንግሊዝ ለምትኖሩ በ01405770140 በስልክ ማዳመጥ ይቻላል። ዘወትር በድህረ ገጻችን ወይም ከgoogel store Hiber radio አፕሊኬሽንን ዳውን ሎድ በማድረግና  ከዘሐበሻም ማዳመጥ ይቻላል።