ኢትዮጵያዊቷ ብርቅዬ አትሌት እና አሳዛኙ የአሜሪካ ገጠመኟ፣“ወደ ኢትዮጵያ ከምመለስ እራሴን እዚሁ ባጠፋ እመርጣለሁ”ሌላኛው አትሌት

(በታምሩ ገዳ)

የ18 አመቷ ገነት ሊሪ በ400 ሜትር ወድድር ብሄራዊ ሪኮርድ በመሰበር አገሪቱ ካፈራቻቸው እና ሰሟን ከሚያሰጠሯት ጥቂት ብርቅዮ አትሌቶች መካከል አንዷ ስትሆን በመጭው 2016 እኤአ ኢትዮጵያን በመወከል ወደ ብራዚል ትጓዛለች ተብላ ከፍተኛ ተሰፋ የተጣለባት አትሌት ነበረች።ይሁን እና ከወራት በፊት ወደ አሜሪካ ለውድድር ተጉዛ “በ አገሬ ኢትዮጵያ ውስጥ የፖሊቲካ አባል ካልሆንሺ በሚል ምክንያት የተለያዩ በድሎች ደረሰወብኛል” በማለት አዚያው አሜሪካ የቀረችው ብርቅየዋ አትሌት ገነት ኑሮ በአሜሪካ አልጋ በአልጋ አልሆንልሽ ብሏታል።

እንደ ሰሞነኛው ታዋቂው የዋሽንገተን ፖስት እና የአንግሊዙ ጋርዲያን ጋዜጣ ተመሳሳይ ዘገባዎች ከሆነ ከሰድሰት ወራት በፊት አሜሪካ ወስጥ የጥግኝነት ማመልከቻ አቅርባ አስካሁን ድረስ ምላሽ ያላገኘችው አትሌት ገነት የመጀመሪያዎቹ ሳምንታት ኑሮ በአሜሪካ እጅግ ፈተናዎች የተሞሎባት ነበር ። በወር 400 ዶላር የተከራየችውን ቤት ኪራይ መክፈል ባለመቻሏ ለተወሰኑ ቀናት ከ ደጃፍ አሰከ ማደር ደረሳለች።በአሁኑም ወቅት ቢሆን የምትጠጋው (የሚረዳት ባለመኖሩ) ጉዳይዋን ከያዘላት ግለሰብ አንሰተኛ ክፍል ወስጥ ከሶፋ ላይ በመተኛት ለመዳበል ተገደዳለች ። ምንም እንኳን አርሱዋን የመሰሉ ወደ 30 የሚጠጉ ኢትዮጵያዊይን አትሌቶች ዋሽንግተን ዲሰ አቅራቢያ ቢኖሩም የቤተሰብ ነገር ሲነሳ ገነት የቤተሰቦቿ ፎቶዎችን (ታሪኮቿን )በማየት ማንባት ይቀናታል። በዚህ ወጣ ውረድ ውስጥ ግን ገነት አንድ ትልቅ ህልም አላት አርሱም ለየተኛው አገር እንደ ሆነ በውል ባታውቀውም በኦሎምፒክ ውድድር ላይ በመወዳደረ የወርቅ ሜዳሊያ ለማጥለቅ እና ሰንደቃላማ ማውለብለብ ነው ።

አንደ አትሌት ገነት ሁሉ አርሱም የገዢው መንግሰት” የፓርቲ አባል ካልሆንክ” ተበሎ የተለያዩ በደሎች እንደደረሱበት የሚናገረው የ25 አመቱ የረጅም ረቀት ጀግናው አትሌት ሃይሌ መንገሻ በአሁኑ ወቅት ዋሽንግተን ዲሲ ውስጥ በአንድ የመጠጥ መሽጫ መደብር ውስጥ ተቅጥሮ ኑሮውን የሚገፋ ሲሆን “ምንም እንኳን ብዙ ቀናት ቢጨልምም ፣የወደፊቱ እድሌን በቁርጠኝነት ባላውቀውም ወደ ኢትዮጵያ ከምመለስ እራሴን እዚሁ ባጠፋ እመርጣለሁ።” በማለት ደረሰብኝ ካለው በደሉ የተነሳ ከፈጥረቱ አንስቶ ደጉን እና ክፉን ካየባት አናት አገሩ( ኢትዮጵያ) ለጊዜውም ቢሆን ጥላ ከለላ የሆነችው አሜሪካንን መርጧል።

በተለያዩ ጊዜያት ኢትዮጵያን በአለማቀፍ የአትሊቲክስ ወድድሮች ላይ የሚወክሉት ፡ የአውሮፓ፣ የአሜሪካ ፣ የቻይና የመሳሰሉት ጎዳናዎች ላይ አረንጓዴውን ፣ቢጫውን እና ቀዩ ሰንደቃላማችንን በማውለብለብ የሁሌም አምባሳደሮቻችን የሆኑት ብርቅየዎቹ አትሌቶቻችን በሰበበ ባሰባቡ በወጡበት በመቅረት ለተለያዩ ባእዳን አገሮች የመሮጣቸው ነገር ሁኔታውን በቅርብ ለሚከታተሉ በርካታ ወገኖች በእጅጉ ያሳዘናል፣እንደ አገርም እንደ ሕዝብም ያሳፍራል ። ችግሩን ችግራቸን አድርገን መፍትሔውን ን በጋራ ካለፈላለግን “ዛሬ ቁጭ ብለው የሰቀሉት ነገ ቆመው ለማውረድ ይከበዳል “እንዳይሆን ደጋግሞ ማሰቡ ትልቅ አዋቂነት ነው። እስቲ እኛም ለምን ብርቅዪ አትሌቶቻችን ይኮበለላሉ? ብለን እነጠይቅ

የህብር ሬዲዮን ዘገባ ህብር ሬዲዮን ከድህረ ገጻችን በተጨማሪ በስልክ ለማዳመጥ 712 -432-8451 መደወል ብቻ በቂ ነው። በእንግሊዝ ለምትኖሩ በ01405770140 በስልክ ማዳመጥ ይቻላል። ዘወትር በድህረ ገጻችን ወይም ከgoogel store Hiber radio አፕሊኬሽንን ዳውን ሎድ በማድረግና  ከዘሐበሻም ማዳመጥ ይቻላል።